Poems

Desamunu Preminchumanna Geyam In Telugu

దేశమును ప్రేమించుమన్నా

మంచి అన్నది పెంచుమన్నా

వొట్టి మాటలు కట్టి పెట్టోయ్

గట్టి మేల్ తలపెట్టవోయ్

ఈసురోమని మనుషులుంటే

దేశమే గతి బాగుపడునోయ్

తిండి కలిగితే కండ కలదోయ్

కండ గలవాడేను మనిషోయ్

దేశాభిమానం నాకు కలదని

వొట్టి గొప్పలు చెప్పుకోకోయ్

పూని ఏదై నాను ఒక మేల్

కూర్చి జనులకు చూపవోయ్

సొంత లాభం కొంత మానుకు

పొరుగు వాడికి తోడుపడవోయ్

దేశమంటే మట్టి కాదోయ్

దేశమంటే మనుషులోయ్

చెట్టపట్టాల్ పట్టుకుని

దేశస్థులంతా నడువవలెనోయ్

అన్నదమ్ముల వలెను జాతులు

మతములన్నియు మెలగవలెనోయ్

శ్రీ గురజాడ అప్పారావు